சரணம் சண்முகா

சோம்பல் சொந்தம் கொண்டாட

சோகம் மனசுருக்கி சுவைக்க

வீம்பாம் விரக்தி விளையாட

வெற்றி வெகுதொலை வெகுண்டோட

தேம்பியே மனது தெளியாதிருக்க

தேகமும் மெலிந்து பின்வாட

சாம்பலாம் உம்நீறை சாற்றிநான்

"சரணம் சண்முகா" என்றேகூற

தீம்பட்ட தூசுபோல் தீமைகள்

தீய்ந்து கருகி மாய்ந்திட

மேம்பட வைப்பாய் எம்வாழ்வை

மேதினில் மேன்மை உறுதி!!

தாம்பத தருநிழல் எமக்கும்

தயவுடன் இருந்திட உண்டு!!= சிவ

காம்பே!! கந்தா!! கடைக்கண்

கருணைப் பார்வை எமைக்காணே!!!