கோடையில் உடல் வறட்சியை தவிர்க்க நீர்ச்சத்து நிறைந்த பழங்கள், காய்கறிகளை சாப்பிட வேண்டும். வெள்ளரிக்காயில் அதிகமான அளவில் நீர்ச்சத்து நிறைந்துள்ளது.
தேவையான பொருட்கள்: வெள்ளரிக்காய் - 2 தக்காளி - 1 வெங்காயம் - 1 (வேண்டுமென்றால்) எலுமிச்சை சாறு - 1 டேபிள் ஸ்பூன் சாட் மசாலா - 1 டீஸ்பூன் மிளகு தூள் - 1/2 டீஸ்பூன் கொத்தமல்லி - சிறிதளவு கருப்பு உப்பு - தேவையான அளவு
செய்முறை:
வெள்ளரிக்காயை தோல் சீவி, பின் அதனை வட்ட வடிவில் நறுக்கிக் கொள்ள வேண்டும். கொத்தமல்லியை பொடியாக நறுக்கி கொள்ளவும். பின்னர் தக்காளி மற்றும் வெங்காயத்தை துருவியது போல் நறுக்கி தனியாக வைத்துக் கொள்ள வேண்டும். பின்பு நறுக்கி வைத்துள்ள அனைத்தையும் ஒரு பௌலில் போட்டு, அதில் எலுமிச்சை சாறு, சாட் மசாலா, மிளகு தூள் மற்றும் கருப்பு உப்பு, கொத்தமல்லி சேர்த்து நன்கு கலந்து கொள்ள வேண்டும். இப்போது நொடியில் வெள்ளரிக்காய் சாலட் ரெடி!!!
