சர்வம் கிருஷ்ணார்பணம்

 

கிருஷ்ணார்பணம்!

”சர்வம் கிருஷ்ணார்பணம்” இந்த வாக்கியத்தை முதலில் கூறியது யார்?

சர்வம் கிருஷ்ணார்பணம் என்று சொன்னவன் கர்ணன்.

பரசுராம் என்ற பிரமணரின் சாபத்தால் பாரத போரில் தோற்ற கர்ணன்:

முன்னொருநாளில் அந்தணரால் கொடுக்கப்பட்ட சாபத்தால் போர் தருவாயில் கர்ணனின் தேர் சகதியில் சிக்கிக் கொள்கிறது.

பரசுராமரின் சாபத்தால் முக்கியமான தருணத்தில் அஸ்திரத்திற்கான மந்திரம் கர்ணனுக்கு மறந்து போகிறது.

கர்ணன் உடல் மீது அர்ஜுனனின் அம்புகள் தைத்தது. ஆனாலும் உயிர் பிரியவில்லை.

அந்தனராக வந்த கிருஷ்ண பகவான்:

பின்பு கிருஷ்ணபகவான் அந்தணர் வேடத்தில் கர்ணன் முன் தோன்றி தான் மலைகளில் தவம் பூண்டிருப்பதாகவும் கர்ணனின் கொடை குறித்து அறிந்ததால் கர்ணனிடன் யாசகம் பெற வேண்டி வந்ததாக உரைக்கிறார்.

இந்த இடத்தில் கிருஷ்ண பரமாத்மா பொய் உரைப்பதாக தோன்றும். ஆனால் அவ்வாரு அல்ல.

பகவான் அனைவர் மனதிலும் நித்தம் நித்தம் தவம் செய்து கொண்டுதான் இருக்கிறார்.

அதை நாம்தான் உணர மறுக்கிறோம்

சர்வம் கிருஷ்ணார்பனம்:

யாசகம் கேட்டு வந்திருப்பது அந்தனர் அல்ல கிருஷ்ணர்தான் என்றுணர்ந்த கர்ணன். என்னிடம் இல்லாததை கேட்டு என்னை இல்லை என்று சொல்ல வைத்துவிடாதே என்று அந்தனர் வேடம் பூண்ட கிருஷ்ண பரமாத்மாவை பணிகிறான்.

கிருஷ்ணரும் “நீர் செய்த புண்ணியத்தை கொடுப்பாயா” என்று வினவிகிறார்.

அதற்கு கர்ணன் “நான் செய்த, செய்யும், செய்யப் போகும் புண்ணியம் அனைத்தையும் உனக்கு தருகிறேன்” என்று இதயத்தில் தைத்த அம்பை எடுத்து தனது குருதியின் வாயிலாக தர்மம் செய்கிறான்.

அந்த சமயத்தில் கிருஷ்ணரை பார்த்து சர்வம் கிருஷ்ணார்பணம் என்று கூறுகிறான்.

யாசகத்தை பெற்றுக் கொண்டு தனது விஸ்வரூபத்தை கர்ணனுக்கு காட்டுகிறார்.

கர்ணன் பரவச நிலை அடைந்து “எனக்கு முக்தி வேண்டும் அப்படி முக்தி இல்லை என்றால் வரும் பிறப்புகளிலும் இல்லை என்று சொல்லா இதயம் வேண்டும் என்று வரம் கேட்கிறான்.

கிருஷ்ணரும் அருள்கிறார்.

இங்கே யாசகம் பெரும்போது கிருஷ்ணரின் கை தாழ்கிறது. கர்ணனின் கை உயருகிறது.

கர்ணனுக்கு ஒரு ஆசை உண்டு அது யாதெனில் எல்லாருக்கு யாசகம் செய்தாயிற்று, கிருஷ்ண பகவானுக்கு மட்டும் யாசகம் செய்யவில்லை என்பதுதான்.

பகவான் கிருஷ்ணன் தன் பக்தனுக்காக இங்கே தன்னை தாழ்த்திக் கொள்கிறார்.

நாமும் பக்தியுடன் பகவானிடம் வேண்டினால் கண்டிப்பாக நமது காலத்துக்குள் அதனை நமக்கு தந்து அருளுவான்.

வடிவேல்துணை கொள்வேன்

 

வந்து வழிபட்டேன்! வல்வினைகள் இனியில்லை!! வாராது ஒருதொல்லை!!!

நிந்தை விலகுற்றேன்! நிலைமை உயர்வுற்றேன்!! நின்பத பிடிபெற்றேன்!!!

சிந்தை ஏற்றிட்டேன்! சிவன்மகன் மனம்பெற்றேன் !! சீர்காணும் பேறுற்றேன்!!!

மந்தம் மறந்திட்டேன்! மலர்ச்சி யான்பெறுவேன்!! மனதால்குடி செய்வேன்!!!

நந்த வனமாவேன்! நாளும் அன்பூப் பூப்பேன்!! நாதன்தோள் சேர்வேன்!!!

வந்தபயன் அறிவேன்! வையம்பெயர் நிலைவேன்!! வடிவேல்துணை கொள்வேன்!!!

கந்தாதினம் சொல்வேன்! காலேகதி பெறுவேன் !!கருணைப் புகழாவேன்!!!

முந்தி அடியாராய்!! முதன்மை முழுபெறுவேன்!! முருகவொளி அமர்வேன்!!!

கேதுவை அறிவோம்

 

கேதுவை அறிவோம்..!

துறவறத்தை கேது என்போம், துறவரத்திலும் பற்றுண்டு, அதாவது துறக்க வேண்டும் என்கிற பற்றே துறவரத்தை மேற்கொள்ள செய்கிறது, ஆக இங்கே தனக்கென்ன வேண்டும் என்பதை தேர்ந்தெடுத்து அதனை அடைய பயணிக்கிறார் கேது என்றே கூற முடியுமே தவிர கேது முற்றுமாக துறக்கிறார் என்று கூற முடியாது, ஆனால் கேது ஒரு புஜ்ஜியம் அதாவது எதனுடனும் கூட்ட முடியும் ஆனால் கழிக்க இயலாது, அதாவது எந்த காரகத்துடனும் கேதுவை இணைக்கலாம், ஆனால் எந்த காரகத்திலிருந்தும் கேதுவை பிரிக்க இயலாது என்கிறேன், கேதுவை துறவி/சித்தர் என்று ஒப்பிடுவதெல்லாம் ஒரு உவமைக்கே, கேது ஒரு புஜ்ஜியம் அதாவது ஒன்றுமில்லை என்பதே கேது, கேதுவுடன் இணைந்த கிரகங்கள் ஒன்றுமில்லா நிலைக்கே ஈர்க்கப்படும் அதன் காரணமாகவே துறவு எனும் பற்றற்ற நிலையை கொடுக்கிறார் கேது, ஆனாலும் பற்றற்று இருக்க வேண்டும் என்று எண்ணுவதே ஒரு பற்றாகும் என்பதை சாமர்த்தியமாக மறைக்கிறார் எனலாம், இப்படி தான் இருக்கும் கேதுவின் செயல்பாடும் எல்லாவற்றையும் துறந்துவிடு என்று ஏதோ ஒன்றை பிடித்துக்கொள்ள வைத்து விடுவார் கேது, அதுவும் சும்மா அல்ல அவரால் பிடித்துக்கொள்ளப்படும் காரகம் வாழ்நாள் முழுவதும் பின்தொடரும், ஆக கேதுவை சுயநலவாதி என்று கூறினால் பொறுத்தமாகவே இருக்கும், என் அனுபவத்தில் கேதுவுடன் ஒரே ராசியில் இணைந்த கிரக உயிர் காரக உறவுகள் சுயநலவாதிகளாகவே இருந்துள்ளனர், கேதுவின் பலமே துறவு துறவு என்று தனக்கான (கர்மம்) குறிக்கோளை (பலன்) அடைய கூட்டிசெல்வார், இதனை உணர்வதற்கு வழியே கிடையாது, சித்தர்கள் துவங்கி ஆசாமிவரை கேதுவை உணர முயற்சிக்கத்தான் முடியுமே தவிர, உணர்ந்துகொள்ள முடியாது ஆனால் கேது தன் பணியை முடித்த பின்னர் உணர்த்துவார் அதுவே கர்மமாகும், பொதுவாகவே கேது நின்ற வீட்டின் காரகங்களில் இந்த அனுபவத்தை ஒவ்வொருவரும் பெற்றுக்கொண்டே தான் இருப்போம், அதாவது ஜாதகத்தில் கேது நின்ற பாவத்தின் கேதுவுடன் இணைந்த கிரக காரகங்களை நாம் அணுக நினைக்கும்படி அணுகவே முடியாது, நினைத்தது ஒன்று நடந்தது ஒன்றாகவே இருக்கும் நடந்து முடிந்த பின்னர் தான் தெரியும் அது சாதக பலனா பாதக பலனா என்பதே, ஆக இனி கேதுவை கணிக்கும் போது நான் பதிவில் கூறிய காரகங்களை மனதில் வைத்து கணித்தால் 5% அவரை புரிந்துகொள்ள முடியும், கேது விருப்பப்பட்டால் இந்த பதிவை மேலும் சில பதிவுகளாக தொடர்வேன், கேதுவுக்கு எது விருப்பம் இந்த பதிவு பெரும்பான்மையானவருக்கு போய் சேர வேண்டும் என்பதே, ஆக ராகுவின் ஆசியால் அது நடக்கும், இப்படி தாங்க கேது உள்குத்து வைத்து வார்த்தையை விடவைக்கிறார் ஏனெனில் எனக்கு கேது+புதன் சேர்க்கை, மீண்டும் சந்திப்போம்..!

கழுகு போதிக்கும் போதனைகள்:

 வாழ்வில் வெற்றியடைய கழுகு போதிக்கும் போதனைகள்:

வானில் பறக்கும் கழுகினை தாக்கும் ஒரே பறவை காகம் மட்டுமே. அது கழுகின் மேல் அமர்ந்து கொண்டு கழுத்தில் அலகால் கொத்தும். ஆனால் மறுபுறம் கழுகோ, தனது நேரம் மற்றும் ஆற்றலை வீணடிக்காமல் பதில் தாக்குதல் நடத்தாமல் இருக்கும்.

கழுகு எளிமையாக தன் இறகுகளை விரித்து கொண்டு வானத்தை நோக்கி உயர பறக்கத் துவங்கும். உயரம் கூட கூட காகம் சுவாசிக்க கடும் சிரமம் ஏற்பட்டு ஆக்ஸிஜன் குறைந்து சுவாசிக்க முடியாமல் கீழே விழுந்து விடும்.

கழுகு எப்போதும் இறந்த உயிரினத்தின் மாமிசத்தை உண்ணாது.. மாறாக அவை தன் இரையை ஓரிரு கிலோமீட்டர் தூரத்தில் இருந்து துல்லியமாக கணக்கிட கூரான பார்வை உடையது..

தன் இரையை உயிருடன் எடுத்து சென்று உண்ணும்..

கடும் புயல், தொடர் மழை, இடி, மின்னல் என எச்சுழலிலும் தன் வாழ்க்கை முறையை மாற்றி துணிவுடன் எதிர் நீச்சல் அடித்து வெல்லும்.

வியூகம் :

கழுகின் எதிரி பாம்பு தான்..

பாம்பிடம் நேரடியாக தரையில் போரிடமால், தன்னுடைய அலகால் பாம்பை தூக்கி க்கொண்டு மேலே உயரமான மேகக்கூட்டங்களுக்கு மேல் பறந்து சென்று, பாம்பிற்கு பயம் வரவைத்து, சோர்வு மற்றும் பலவீனப்படுத்தி மேலிருந்து கீழே பாம்பை போட்டுவிடும்..

கழுகுகள் சுமாராக எழுபது ஆண்டுகள் வாழக் கூடியவை. ஆனால், அவற்றிற்கு சுமார் நாற்பது ஆண்டுகள் ஆகும்போது உடலில் பலவித மாற்றங்க்கள் நிகழ்கின்றன.

நீண்ட கூரிய நகங்கள் பலமிழந்து போய், இரையைப் பிடித்துக் கொள்ள இயலாமல் போய்விடும்.

பலம் பொருந்திய அலகு, இரையைக் கிழித்து உண்ணும் திறனை இழந்து விடும். அதற்கும் மேலாகப், பரந்து விரிந்திருக்கும் இறக்கைகள் மிகவும் தடித்துப் போய், உடம்போடு ஒட்டிக்கொண்டு,

எங்கும் பறந்து போய் இரை தேட முடியாமல் போய்விடும்.

இப்போது கழுகிற்கு இருப்பது இரண்டு வழிகள்

ஒன்று, இந்த வேதனைகள் பொறுக்க முடியாமல் இறந்து போவது;

இரண்டாவது , முடிந்த வரையில் முயன்று பார்த்து, உடம்பின் மாற்றங்களுக்கு ஏற்பத் தன்னைத் தயார்ப் படுத்திக் கொண்டு, வாழ்வதற்காகப் போராடுவது....

வாழ வேண்டுமென்ற உந்துதல் ஏற்பட்டதும், என்ன செய்யும் தெரியுமா?

உயர்ந்த மலைப் பகுதிக்குச் சென்று பாறையின் மீது தனது அலகை மோதி மோதி அதை மெதுவாக வெளியே இழுத்துப் போட்டுவிடும்.

பொறுமையுடன், புது அலகு வரும் வரையில் அங்கேயே காத்திருக்கும்.

பலம் பொருந்திய, புதிய அலகு வந்ததும் அதன் உதவி கொண்டு,

தனது கால் நகங்களைப் பிய்த்து எறியும். திரும்பவும் புது நகங்கள் முளைக்கும் வரையில் பொறுமையோடு காத்திருக்கும்.

அடுத்ததாக, புதிய, கூரிய, வளைந்த நகங்கள் வளர்ந்தவுடன், நகங்களாலும், அலகாலும் உடம்புடன் ஒட்டிக் கொண்ட இறகுகளைப் பிய்த்து எறியும்.

அடர்ந்த, கறுத்த, பெரிய இறக்கைகள் முளைக்கும் வரையில் திரும்பவும் பொறுமையோடு காத்திருக்கும்.

புது அலகு,

புது நகங்கள்,

புது இறக்கைகள் என்று மறுபிறவி எடுத்த கழுகு வாழும் உத்வேகம் உருவாகிய மகிழ்ச்சியில் மேலே உயரே, உயரே பறக்க ஆரம்பிக்கும்…

நீங்கள் துவர்ந்து விடாமல்,சோர்ந்து விடாமல் நிதானமாக உங்கள் மனநிலையை திடமாக்கி,

உங்களது அன்றாட சிறு சிறு வேலைகளை தொய்வில்லாமல் செய்து கொண்டே உங்கள் இலக்கை நோக்கி செயல்பட்டு வந்தால், உங்கள் பெரும் பிரச்சினைகள், சில நாட்கள் கழித்து உங்களுக்கு சிறியதாக தோன்றும்..

உங்கள் மனது ஒருமுகப்படுத்தப்பட்டு உங்கள் தன்னம்பிக்கை என்ற சிறகால் நீங்கள் வாழ்வில் உயரே பறந்து மற்றவர்களுக்கும்,உங்களை ஏளனமாக பேசியவர்களும் உங்களை ஒரு எடுத்துக்காட்டாக பேசுமளவிற்கு வாழ்வில் உயர்வீர்கள்...

இவையணைத்தும் கழுகிடமிருந்து

நாம் கற்ற வேண்டியவையாகும்..

கோபம் சார்ந்த உணர்வை எடுக்காதீர்கள்:

 கோபம் சார்ந்த உணர்வை எடுக்காதீர்கள்:

முருங்கை மரத்தை பாருங்கள். முருங்கை மரம் என்ன செய்தது அமைதியாக தான் இருந்தது. ஆனால் அதில் கம்பளி பூச்சிகள் ஏறி அந்த முருங்கை இலைகளையும் அந்த முருங்கை மரத்தையும் அழித்து விடுகிறது அல்லவா.

இதுவே நீங்கள் ரோஜா செடியை பாருங்கள் ரோஜா செடி ஒரு அன்பான நறுமண மணத்தை வெளிவிட்டுக் கொண்டே இருக்கிறது. அதில் உட்காரக்கூடிய பூச்சி இனத்தை பாருங்கள். ரோஜா செடி இனம் அவ்வளவு எளிதாக அழிந்து விடுவதில்லை.

இதுபோல நீங்கள் நல்ல குணம் கொண்ட மனிதர்களாக திகழ்ந்தாலும் கூட நீங்கள் ஒரு சில நேரத்தில் கோபப்பட்டு சண்டையிடும் பொழுதும், பொருந்தாத வார்த்தைகளை கூறி பேசிக்கொள்ளும் பொழுதும், உங்களது எதிரே இருக்கக்கூடிய நபரின் கோபம் சார்ந்த உணர்ச்சியை நீங்கள் சுவாசித்து அவரது மூச்சுக்காற்றுகுள் சிக்கிக்கொண்டு அந்த உணர்வுகளை சிறிது சிறிதாக உள்வாங்கி உள்வாங்கி உங்களுக்குள் கலக்கப்படுகிறது.

இது உங்களது இரத்தத்தில் கலந்து உங்களது உடலில் இருக்கக்கூடிய அணுக்களுக்குள் கலக்கிறது. இந்த அணுக்கள் விஷமாக மாறுகிறது. பிறகு நீங்கள் சண்டையிட்ட அந்த நபரை போன்ற கோபம் சார்ந்த மனிதனாக மாறி கொண்டு வருவீர்கள். அவருடைய உணர்வுகள் உங்களுக்குள் கலக்கப்படுகிறது. இது உங்களுடைய நல்ல குணத்தை சிறிது சிறிதாக நாளடைவில் சிதைத்து விடுகிறது. இந்த கோபம், இன்னும் பெரிதாக வளர்ந்து உங்களுடைய மற்ற நல்ல நல்ல குணங்களை எல்லாம் சிதைத்து விடுகிறது.

இந்த எதிர்மறை உணர்வுகள் மிகவும் சக்தி வாய்ந்தவை.

இதுபோன்ற நேரத்தில் இக்கட்டான சூழ்நிலையில் எதிரே இருப்பவர் தவறு செய்தாலும் அந்த நேரத்தில் நீங்கள் செய்ய வேண்டியது இது மட்டும்தான்.

அவர் நல்ல குணத்தை பெற வேண்டும்.

அவர் நல்ல உணர்வை பெற வேண்டும்.

அவர்கள் இறைவனின் ஆசியை பெறவேண்டும்.

அவரது உடலில் இருக்கக்கூடிய வேதனை உணர்வுகள் அனைத்தும் நீங்க வேண்டும் இறைவா என்று உங்களது மனதில் ஏங்கி உணர்ந்து கூறிவிட்டு நீங்கள் கடந்து செல்லுங்கள்.

முருங்கை மரத்தின் உணர்வுகளின் தன்மைக்கு ஏற்ப தான் கம்பளி பூச்சிகள் வருகிறது. ஒரு ரோஜா செடியின் குணத்தின் தன்மைக்கேற்ப தான் அதற்கான பூச்சியினங்கள் வருகிறது. நீங்கள் எப்படி உங்களது குணத்தின் தன்மையை மாற்றுகிறீர்கள் அதற்கு ஏற்றார் போல் உங்களுக்கு பொருந்தாத நபர்கள் விலகிவிடுவார்கள். பொருந்தக்கூடிய நபர்கள் உங்களிடம் கலந்து விடுவார்கள்.

உணர்வுகளின் அடிப்படையில் தான் ஒவ்வொரு உயிரினங்களும் படைக்கப்படுகிறது. ஒவ்வொரு உயிரினங்களும் அழிக்கவும் படுகின்றன.

இப்படிப்பட்ட உணர்வுகளுக்குள் சிக்க கூடாது

ஒரு தனித்திறமை நிச்சயமாக இருக்கும்.

 தான் வெற்றி பெற்று விட்டேன் என்கிற கொண்டாட்டத்தில், பிறர் தோற்று விட்டதாக ஏளனமாக பேசுவது தவறானது.

யாருக்கு என்ன திறமை உள்ளது என்பது யாருக்கும் தெரியாது ஆனால், ஒவ்வொரு நபருக்கும், ஒவ்வொரு உயிருக்கும் ஏதேனும் ஒரு தனித்திறமை நிச்சயமாக இருக்கும்...

கிரிவலம்

 

சித்ரா பவுர்ணமி அன்று திருவண்ணாமலைக்கு கிரிவலம் வரும் வெளியூர் உள்ளூர் வெளிமாநில பக்தர்கள் அனைவரையும் வருக வருக என அன்போடு வரவேற்கிறோம்

மேலும் கிரிவலம் செல்லும் போது கிரிவலப் பாதையிலும் திருவண்ணாமலையும் தூய்மையாக வைத்திருக்க அன்போடு வேண்டுகிறோம்.

கெட்ட நேரம் நல்ல நேரம் அப்படி ஒன்று இருக்கா

 கெட்ட நேரம் நல்ல நேரம் அப்படி ஒன்று இருக்கா

இருக்கு இல்லை என்று மறுப்பதற்கு இல்லை ஆனால் அதையே நம்பிக்கிட்டு இருந்தால், அதாவது எண்ணி கொண்டே இருந்தா நல்ல நேரமும் வீணாகி போய் விடும்.

அதாவது நமக்கு இருக்கிற நேரத்தை நாம் வீண்டித்து விடுவோம்.

என்ன செய்யலாம்.

நடப்பவை நல்லவிதமாக அமைய வேண்டும் என்ற எண்ணத்தை நம்பிக்கை கொண்டு தீவிர படுத்தினால் கெட்ட நேரத்தில் ஒரு நல்ல நேரம் உதயமாகும்.

அதனால் இனி என்ன இருக்கு என்ற ஏக்கமோ விரக்தியோ வேண்டாம்.

எல்லாமே நலமாகும்.

தமோ + ரஜோ குணங்களே ஆசைக்கு காரணம்

 ஆசையே துன்பத்திற்கு காரணம் என்று புத்தர் சொல்லிவிட்டு சென்று விட்டார். எனவே, ஆசைகளை அகற்றுவதற்கு உங்களுக்கு வேறு ஒரு குரு தேவைப்படுகிறார்.*

*உடலும் மனமும் தானென எண்ணும், நமது தாத்தா பாட்டி அப்பா அம்மா இவர்களை ரோல் மாடலாக எண்ணியே நாமும், வாழ தொடங்குகிறோம். அவர்கள் பயணித்த இந்த தவறான பாதையில் தான் நாமும் நீண்ட தூரம் பயணித்து விட்டோம் !!! நீங்களே சொல்லுங்கள் !!!! தவறான பாதையில் நீண்ட தூரம் பயணிப்பவன் இறுதியில் காணாமல் போவானல்லவா? அவ்வாறு தான், நம்மில் நாமே தொலைத்து விட்டோம்.*

*நான் இந்த உடல் என்கிற தமோ குணமும், நானிந்த மனம் என்கிற ரஜோ குணமும், போன்ற தவறான குணங்கள், பசுமரத்தாணி போல நச்சென்று நம் மனதில் ஆழமாக பதிந்து விட்டது. இதன்காரணமாகவே சாத்வீக குணத்தில் நமக்கு பஞ்சம்/பற்றாக்குறை ஏற்பட்டு விடுகிறது*

*ஆக, இந்த தமோ + ரஜோ குணங்களே ஆசைக்கு காரணம் !!!*

*இவ்வுடலும் நானல்ல !!! இந்த மனமும் நானல்ல என்கிற அறியாமையில் வாழ்ந்ததெல்லாம் போதுமடா சாமி !!! ஆசைப்பட்டு ஆசைப்பட்டு அவதிப் பட்டதெல்லாம் போதுமடா சாமி !!!*

*உன்னுள் உயிர்ப்பாய் இருப்பதும், உடலை முறையாக இயக்கி, சீராக வளர்ப்பதும் இந்த உயிர் தானே !!! அந்த உயிர்தான் ஆத்மா !!! அந்த ஆத்மாவே நீ !!! THATS ALL.!!!*

*HERE, THE SOUL WISDOM BEGINS: தமோ ரஜோ குணங்களிலிருந்து விடுபட்ட ஒருவன் சாத்வீக குணத்தை அடைவதும் இங்கேதான் !!! ஆசைகளில் இருந்து விடுபட்டவன் ஆத்ம ஞானத்தை அடைவதும் இங்கே தான் !!!*

*உன்னுடைய உடல் உட்பட, இவ்வுலகில் உள்ள அனைத்து பொருட்களுக்கும் ஐம்பூதங்களால் (நிலம்நீர் தீக்காற்றாகாயம்) அழிவு உண்டு !!! ஆனால், உயிர் எனப்படும் ஆன்மாவை கத்தியால் வெட்ட முடியாது !!! நீரால் மூழ்கடிக்க முடியாது !!! நெருப்பால் வேகவைக்க முடியாது !!! காற்றால் உலர வைக்க முடியாது என கீதை கூறுகிறது.*

*எனவே, அந்த ஆத்மாவையும் ஆத்மஞானியையும் எவராலும் வீழ்த்தவே முடியாது !!!*

*நீங்களே சொல்லுங்கள் !!! வீழ்த்தவே முடியாதவருக்கு (ஆத்மஞாணிக்கு= உனக்கு) எதிரிகள் எவ்வாறு இருக்க முடியும் ?*

*எதிரிகளே இல்லாத ஆத்மஞாணிக்கு பயம் எவ்வாறு இருக்கும்?*

*எதற்கும் பயப்படாத ஆத்மஞாணி எங்ஙனம் கவலை கொள்வான் ?*

*ஆம் !!! கவலையற்ற ஆத்மஞானி எப்போதும் மனம்-நிரைந்தவனாக தன்னில் சந்தோஷமாக இருப்பான்.*

*ஆக, 1. நான் உடலல்ல என்ற ஞானம் உடல்மீதுள்ள பற்றை குறைத்து கவலைகளை நீக்கும்.*

*நான் இந்த மனமல்ல என்ற ஞானம் நான், எனது போன்ற possessive ness தன்னலத்தைக் குறைத்து அகந்தையை அழிக்கின்றது !!!*

*3. நான் ஆத்மா என்ற ஞானம் நான் மரணமற்றவன் + நான் எதிரியற்றவன் + நான் பயமற்றவன் + நான் கவலையற்றவன் + நான் மரணகவலை இல்லாதவன் + நானர மனநிறைவு கொண்டவன் + நான் தன்னில் ஆனந்தமாக இருப்பவன் போன்ற நல்லுணர்வுகளை இந்த அந்த ஆத்ம ஞானம் தருகின்றன !!!*

*எந்தவொரு ஞானத்தை நீ பெற்றால், அதற்கும் மேலான சிறந்ததொரு ஞானத்தை நீ பெற வேண்டியதில்லை என்கிற பரிபூரண-மனநிறைவை உனக்கு தருகிறதோ அந்த ஞானமே ஆத்ம ஞானமாகும் !!!*

*எந்த ஒரு ஞானத்தை நீ பெறுவதால்*

*உன் மரணத்தின் போது கூட உன்மனம் சந்தோஷமாக இருக்குமோ* ... —> *ஆச்சர்யத்தைத் தரும் அந்த ஞானமே ஆத்மஞானமாகும் !!!*

*அந்த ஆத்மாவைப் பற்றிய ஞானம் தான் எது ? அதாவது, ... ஆத்மா என்றால் என்ன ? ஞானம் என்றால் என்ன ?*

*மொத்தத்தில், ஆத்மஞானம் என்றால் என்ன ? LET US LISTEN CAREFULLY THE 2 EQUATIONS !!!*

*ஆத்மா = உயிர் !!! (1)*

*ஞானம் =அறிவு !!! (2)*

--------------------------------

*Adding, (1) + (2) we get,*

*ஆத்மஞானம் = உயிரைப் பற்றிய அறிவு.*

--------------------------------

*Yes, It Remains To Learn About The Soul !!!*

*இப்போதிருக்கும் உனது இந்த உடலில் தங்கியிருக்கும் உயிர் எனப்படுவதும் ஆத்மாவே !!!*

*மனித-ஜீவன்களின் உடல்களிலும்*, ...

*அனைத்து விலங்கு உடல்களிலும், வாசம் செய்து கொண்டு இருப்பதும் உயிர் எனப்படுவதும் ஆத்மாவே !!!*

*பஹவான் ஸ்ரீகிருஷ்ணரின் பரமாத்மாவும் அஃதே !!!*

*அந்த ஆத்மாவே நான் !!! ஆக, ஒருவன் தன்னை அறிதலும், ஆத்மாவை அறிதலும் பரமனை அறிதலும் ஒன்றுதான் !!!*

*ஆம் !!! எனதருமை ஆன்மீக ஆன்மாக்களே !!! முதலில் தன்னை அறிய முயல்பவன் நானாத்மா என உணர்ந்து, இறுதியில் 'தானே' பராமாத்மாவின் ஒரு அங்கம் என உணர்கிறான்*

*ஆக ஒருவன்,பொருட்கள் மீது பற்றில்லாமல், எதன்மீதும் வெறுப்பின்றி, பிறருக்கு ஹிம்சை செய்யாமல், கருணையோடு உதவுகின்ற எண்ணங்களோடு தன் மனதை கட்டுப்படுத்தினால், நான் ஆன்மா என உணர்வதும் சாத்தியம் !!! அவன் இறைவனை அடைவதும் சத்தியம் !!!*

*இங்கு, நாமே, நம்முயிரைப் பற்றி கற்கும் ஞானம்தான் ஆத்ம ஞானம் !!!*

*ஆத்மாவுக்கு என்றும் அழிவில்லை* (3)

*நானே ஆத்மாவாக இருக்கின்றேன்(4) என இவ்விரண்டையும் 4 முறை சொல்லிப் பாருங்கள் !!!*

*அதாவது, எந்த ஆத்மாவுக்கு என்றுமே அழிவில்லையோ ... அந்த அழிவற்ற ஆத்மாவாகவே நான் இருக்கின்றேன் !!!*

*ஆனால், எல்லோரையும் போல, ... எப்போதும் போல பிடிவாதமாக, நானே உடல் என்கிறீர்களா ?*

*Wait A Minute Bro !!! "உடலை - நான்" என்பவனுக்கு நிச்சயம் மரணமுண்டு !!! மரண-பயமும் உண்டு !!! மரணக் கவலையும் உண்டு !!! உடல்மீது அதீத பற்றுதல் உள்ள காரணத்தால், அவனது மரணம் கொடுமையாகவும் இருக்கும் !!!*

*எனவே, மரண பயத்தை தவிர்க்க வேண்டுமா ? It Is Very Simple !!!*

*இத்தகைய சிக்கலான பிரச்சனைக்கும், ஆன்மீகத்தில் மிக எளிமையான தீர்வு உள்ளது !!! Such A Complicated Problem Also Has A Very Simple Solution In Spirituality !!!*

*இவ்வுடல் நானல்ல & நானிந்த மனமல்ல". என்கிற ஞானத்தை உடனே அப்பியாசம் செய்ய வேண்டும் !!!* (அடிக்கடி நினைவு கூர்ந்து அதை மனதில் நிலை நிறுத்துதல்)* *That's All.*

*எவ்வாறு செய்வது? ஆத்மா நிறமற்றவது !!! குணமற்றது என்ற நான் சென்னால், உடனே நீங்கள் அறிவு ஸ்வரூபமாக விளங்குகின்ற உயிர் எனப்படும் ஆன்மாவாகிய நானும்* ....

*1. நிறமுமற்றவன் !!!*

*2. குணமுமற்றவன் !!! என்று சொல்ல வேண்டும் !!!*

*ஆத்மா ஆணுமல்ல !!!* *பெண்ணுமல்ல !!! இரண்டும் அல்லாததும் அல்ல என்று நான் சென்னால், உடனே நீங்கள் அறிவு ஸ்வரூபமாக விளங்குகின்ற உயிர் எனப்படும் ஆன்மாவாகிய நானும்*....

*ஆணுமல்ல.*

*பெண்ணுமல்ல.*

*இரண்டும் அல்லாததும் அல்ல என்று சொல்ல வேண்டும்.*

3. *ஆத்மா சிவப்பானவனும் அல்ல கருப்பானவனும் அல்ல நெட்டையானவனும் அல்ல குட்டையான வனும் அல்ல, என்று சொன்னால், உடனே நீங்கள்* ... ... ... *என்று சொல்ல வேண்டும் !!!*

4. *இதைப் போலவே, நீங்கள் அறிவு ஸ்வரூபமாக விளங்குகின்ற உயிர் எனப்படும் ஆன்மாவாகிய நானும்* ....

*பொறாமை, ஹிம்சை செய்தல், சுயநலம், தற்பெருமை, கர்வம் என அனைத்து தீயகுணங்களும் இல்லாதவன் என்று சொல்ல வேண்டும் !!!*

*பொறாமை, ... , கர்வம் என அனைத்து தீயகுணங்களும் நம் மனதிற்கு தான் அவ்வப்போது தோன்றுவது உண்டு !!! ஆனால், ஆன்மா குணமற்றது !!! எனவே, ஆன்மாவாகிய நானும் எந்த குணமும் இல்லாதவன் !!!*

*ஒன்றும் இல்லாதவனாகிய ... அதே சமயத்தில், எங்கும் நிறைந்தவனாகிய ... எல்லாமுமாகிய* ... *ஆன்மாவாகிய நான் எதன்மீதும் எவர் மீதும் பற்று கொள்ளாதவன். அந்த ஆன்மாவாகிய நான் எவர்மீதும் விருப்பு வெறுப்பு கொள்ளாதவன் !!!*

*ஞானம் இருப்பது என்பது வேறு !!! ஞானம் நிலைப்பது என்பது வேறு !!!*

*எனவே, இந்த ஆத்ம ஞானத்தை அறிவதோடு நில்லாமல் ... இந்த ஞானத்தில் என்றும் நம் மனம் நிலைத்து நிற்குமேயானால் (அதற்கான பயிற்சியே நிதித்தியாசனம்) நான் என்கிற நீ ஒரு ஆத்மஞாணி ஆவாய் !!!*

*இவ்வாறாக, அத்மஞானத்தில் உன்மனம் நிலைபெற்று, எந்த கவலையுமில்லாமல் (இதுவே உயிரோடு இருக்கும் போதே மோட்சம் பெறுவது) "தன்னுள்" ஆனந்தமாக வாழ்வதே ஜீவன் முக்தி !!!*

Eye cleaning methods

 

கண் கழுவும் முறை பற்றி எத்தனை பேருக்கு தெரியும் நண்பர்களே

மிகவும் நல்லது

கண் பார்வை மேம்படும்

கண்ணாடி கழட்டி விடலாம்

கண் ஒளி பெறும்

கண் குளிர்ச்சி பெரும்

குறிப்பாக கணினியில் வேலை செய்பவர்கள் கட்டாயம் கண் கழுவும் முறையை செய்ய வேண்டும்

இப்போது கண் கழுவும் முறை பற்றி கூறுகிறேன்

மிகவும் எளிமையானது

நாம் தினமும் குளிக்கும் போது வாளியில் உள்ள தண்ணீரில் தலையை உட்டு கண்களை திறந்து விழிகளை சுழற்ற வேண்டும் பிறகு கண்களை சிமுட்ட வேண்டும் இப்படியாக ஒரு 5 அல்லது 10 முறை செய்ய வேண்டும்

கண் கழுவ பயன்படுத்தும் தண்ணீரில் எந்த வித கெமிக்கலும் கலந்து இருக்க கூடாது குளோரின் கலக்காத தண்ணீராக இருக்க வேண்டும்

சுடு தண்ணீரில் கண்களை கழுவக்கூடாது

சாதாரண குழாய் தண்ணீர் சிறந்தது

இந்த முறையில் தொடர்ந்து கண்களை கழுவிப் பாருங்கள் ஆச்சர்யமாக இருக்கும்

மருந்தில்லா மருத்துவம் ஒரு அரிய பொக்கிஷம்

வாழ்க வையகம்

வாழ்க வளமுடன்

அனுபவம் நல்லதாக, நல்லதிற்காக இருக்க வேண்டும்

 நமது வாழ்க்கையை நாம் எந்த அளவிற்கு மகிழ்ச்சியாக, பயனுள்ளதாக மாற்ற முயற்சி செய்கிறோம் என்பதைப் பொருத்தே, நமக்கு வாழ்க்கையும் அமைகிறது.

அதில், நமது எண்ணங்கள், உணர்வுகள் மற்றும் வாழ்க்கை பார்க்கும் நமது கண்ணோட்டம், அதிலிருந்து கிடைக்கும் அனுபவம் என ஒவ்வொன்றும் முக்கியத்துவம் வாய்ந்தது.

அதிலும் குறிப்பாக நமது அனுபவம் மிகவும் இன்றியமையாத ஒன்றாகும்.

"ஒரு அனுபவம் நமக்குப் பாடமாகும்

ஒன்றிலேயே கிடைக்கும்

ஆயிரம் அனுபவம் நமக்கு ஒரு திறமையாகும்."

திறமை கிடைத்து விட்டால் மட்டுமே நாம் மகிழ்ச்சியாக வாழ முடியுமா? என்றால் நிச்சயமாக இல்லை.

அனுபவம் கிடைத்தாலும் அதை நாம் சரியான அனுபவமாக எடுத்துக் கொண்டால் மட்டுமே அது நம் வாழ்க்கையை சரியாக நகர்த்திச் செல்லும்.

அந்த அனுபவம் நல்லதாக, நல்லதிற்காக இருக்க வேண்டும் என்பதும் அவசியம்.

எனவே,

நல்லதையே எண்ணுவோம்!

நல்லதையே பேசுவோம்!

நல்லதையே சிந்திப்போம்!

நல்லதையே உணர்வோம்!

நல்லதையே செய்வோம்!

நல்லதே நடக்கும்...!

கடவுளை வணங்கும் போது . கண்களில் கண்ணீர்

 #கடவுளை வணங்கும் போது

கண்களில் கண்ணீர் வந்தால் என்ன பொருள் தெரியுமா?..

தெய்வீக ரகசியம்.

பெரும்பாலும் நம் மனம் மனச்சோர்வடைந்து அல்லது அமைதியற்ற நிலையில் இருக்கும்போது, ​​நாம் கடவுளை நினைவில் கொள்கிறோம் அல்லது கோயிலுக்கு செல்ல முயற்சிக்கிறோம்.

கடவுளை வணங்கும் போதோ அல்லது கோயிலுக்குச் செல்லும் போதோ, ​​ஒரு விதமான மன அமைதியை நாம் உணர்கிறோம். அதனால்தான் சிலர் பெரும்பாலும் கோவிலுக்குச் செல்ல விரும்புகிறார்கள்.

உங்களுக்கு பிடித்த கடவுளை நீங்கள் வணங்கும் போது, எப்போதாவது உங்கள் கண்களில் இருந்து கண்ணீர் வரும். இதன் பொருள் என்ன என்பதை அறியலாம்.

கடவுளின் வழிபாட்டின் போது கண்களில் இருந்து கண்ணீர் வந்தால், கடவுளின் தெய்வீக சக்தி, ஏதோ ஒரு குறிப்பை தருகிறது என்று அர்த்தம். கடவுள் உங்களுக்கு ஒரு குறிப்பைக் கொடுக்கிறது என்று பொருள்.. நீங்கள் அவற்றைப் புரிந்து கொண்டால், உங்கள் பிரச்சினைகள் நீங்கிவிடும் என்றும், உங்கள் வேண்டுதலை கடவுள் ஏற்றுக் கொண்டதாக அர்த்தமாம்..

மேலும் உங்கள் கண்களில் இருந்து கண்ணீர் வந்தால் உங்கள் வழிபாடு வெற்றிகரமாக முடிந்துவிட்டது என்று பொருள். இப்போது உங்கள் பிரச்சினைகள் அனைத்தும் நீங்கி, உங்கள் ஆசைகள் நிறைவேறும் என்று நம்பப்படுகிறது.

அழகர் மலையானே போற்றி

உயர்ந்த நிலைக்கு

வாழ தெரியாமல் யாரும் வாழ்வதில்லை ஆனால் முன் ஜென்ம கர்மா பலன் வாழ விடுவதில்லை.

எண்ணங்களை திசைமாற்றி நல்லதை மறைத்து தீயவைகளை நல்லவை போல காட்டி சிதைத்து சின்னபின்னமாக்கி விடுகிறது.

இதில் இருந்து விடுபட முதலில் இதில் நம்பிக்கை வேண்டும்.

இதை பற்றிய உணர்தல் புரிதல் வேண்டும்.

இவை இருந்தால் மட்டுமே எண்ணங்களை நேர்மையாக எண்ண வேண்டும் என்ற உயர் சிந்தனை உங்கள் மனம் ஏற்று கொள்ளும்.

ஏற்று கொண்டாலும் அதன் மீது தீவிர தேடுதல் கொண்டு எண்ணங்களை உயர்ந்த நிலைக்கு கொண்டு போக போக மாற்றம் வரும்.

இன்ப துன்பங்களுக்கு காரணம்.

 உனது எண்ண அலைகளே உனக்கான இன்ப துன்பங்களுக்கு காரணம்.

உனது எண்ணங்களை உனக்கான உயர் நிலைக்கு கொண்டு செல்.

எண்ணங்கள் உயர்ந்து நிற்க நிற்க உன்னை சுற்றி நல்ல நேர்மையான அதிர்வுகள் வலம் வர தொடங்கும்.

நலமாக வாழ = மெய்பிரான் ஞான சித்தர்

 இறைவன் ஞானவெளி மெய்பிரான் ஞான சித்தர் அவர்கள் அருளியது.

3. நலமாக வாழ

என் உறவே...

நீ நலமாக வாழவேண்டும்

வாழ்ந்து வாழ்வை

வெல்ல வேண்டும்.

உன் தேவைகளுக்கு

உதவ நான் தயார்

நீ தேடிக்கொண்டிருந்தவன்

இதோ நான்.

உற்றுப் பார்

வானத்தைத் தொட்டுவிடலாம்.

கற்றுப் பார் தமிழை

காலத்தை முடக்கிவிடலாம்.

உன் உயிர் சுரத்தை மீட்டும்

ராக சுரங்களைக் கொண்டது தமிழ்.

பற்றோடு படி

பற்றிப்பிடி

அத்துப்படி ஆகும்

ஆயக்கலையும்.

சாகா கலையை

நோகாமல் சொல்லும்

தந்திரம் தெரியும்

தமிழுக்கு.

கற்க

க

ச

ட

ற

கற்பவை கற்றபின்

நிற்க அதற்குத் தக

சுழுமுனை ஏற்றத்தை

சுருதி காட்டும்

சூத்திரம் பார்.

இல்லாததில்லை

இந்த தமிழில்.

கல்லாதவனுக்கோ

சொல்லத் தெரியவில்லை.

கற்பனைக்கு இடமே இல்லை.

மனதை ஆளவிடவில்லை

அருந்தமிழன்

மனதை ஆண்டவன்.

அறிந்தடங்கிப் போனதினால்

மௌனியானான்.

வாய் பேசத் தெரியாத

ஊமை இல்லை

கண் பேசத் தெரிந்த

காந்தர்வன்.

மாயத்தை மாயத்தால் மறைக்கும்

மதி உண்டு

சதி இல்லை

கதியின்றி கிடக்கவில்லை

காட்டாறு.

நாட்டாரை வாழவைத்துப் பார்க்க

சிறுத்து ஓடும்

சிறுத்தை யல்ல சிங்கம்

வேண்டலே வேண்டாமென்று

வேடிக்கைப் பார்க்கும் கூட்டம்

ஆதியும் இவனே

அந்தமும் இவனே

ஆருயிரை மீட்கும்

அருமருந்து தேனே

அகமகிழ்ந்து வாழ

அருள்கொண்ட வள்ளல்

பொருள் தேடி பிழைக்க

ஊர்நாடிச் செல்லான்

கருதேடி ஆய்ந்து

கருத்தாளன் ஆனான்

உன் குலம்

சித்த குலம்

மனித இனத்தில்

தோற்ற குலமல்ல

மனித இனத்தின்

தோற்ற குலம்.